Vətəndaşlar fərdi şəkildə qəbul edilib
Qazaxda rayon rəhbərinin fəaliyyətə başladığı ilk gündən vətəndaş amilini
ön plana çəkərək keçirdiyi fərdi qəbullar artıq bir ənənə halını alıb. Fərdi
qəbulların keçirilməsi isə bir amala xidmət edir ki, onun da kökündə sakinlərin
qayğıları, arzu və istəkləri, vətəndaşları narahat edən məsələləri dinləmək və
öz müsbət həllini tapmasına kömək etmək dayanır. Qazax Rayon İcra Hakimiyyətinin başçısı Rəcəb Babaşov bu gün də
bir qrup rayon sakinini fərdi şəkildə qəbul edib, onların müraciətlərini
dinləyib. Şəhər sakinləri
Abbasova Gülsüm Abdulla qızı oğlunun, Muradov Rəhim Murad oğlu gəlini və
oğlunun, Kosalar kənd sakini, I qrup Qarabağ müharibəsi əlili Nəsibov Xəqani
Fazil oğlu həyat yoldaşının, Hüseynbəyli kənd sakinləri Qurbanov Elmar Vaqif
oğlu və Məmmədov Yaşar Göycə oğlu özlərinin işlə təmin olunmaları barədə
müraciət ediblər. Sakinləri dinləyən rayon rəhbəri müvafiq işlə təmin
olunmaları üçün aidiyyəti üzrə tapşırıq verib. Şəhər sakini Yusifova
İlhamə Nazim qızı isə evinə qaz xəttinin çəkilməsinə və təmirinə köməklik
olunmasını bildirib. Vətəndaşın istəyini diqqətlə dinləyən icra başçısı yerində
baxış keçirilməsini qeyd edib və aidiyyəti üzrə tapşırıq verib. Aşağı Salahlı
kənd sakini, Aprel döyüşünün iştirakçısı Salmanov Səxavət Dərviş oğlunun mənzillə
təmin olunması barədə müraciətini dinləyən rayon rəhbəri qaldırılan məsələyə
baxılacağını bildirib. Şəhər sakinləri
Mahmudlu Sevinc Nofəl qızının, Ağakişiyev Tural Eldəniz oğlunun, Məzəm kənd
sakini, şəhid bacısı, II qrup əlil Abbasova Kəklik İsə qızının, Çaylı kənd
sakinləri Hüseynəliyev Nofəl Əlipaşa oğlunun, Şıxıyeva Lamiyyə Adil qızının, Əkbərov
Saməddin Alhüseyn oğlunun, Alpout kənd sakini Osmanov Səhlədar Hidayət oğlunun,
Yuxarı Salahlı kənd sakini Məmmədova Nəsrin Mansur qızının, Barxudarlı kənd
sakini Abdullayeva Əminə Kamran qızının müxtəlif
səpkili müraciətləri də müvafiq olaraq cavablandırılıb. GOYEZEN.AZ
Facebook-da paylaş