Gəncə-Qazax-Gürcüstan dövlət sərhədi avtomobil yolunun çəkilişinə başlanılıb
Son illər
ölkəmizdə regionların sosial-iqtisadi inkişafı Dövlət Proqramına uyğun olaraq
həyata keçirilən məqsədyönlü işlərdən biri də yol infrastrukturunun yenidən
qurulması ilə bağlı atılan uğurlu addımlardır. Təqdirəlayiq hallardan biri
də odur ki, yol infrastrukturu ilə bağlı həyata keçirilən tədbirlər təkcə
paytaxtda deyil, respublikamızın bütün bölgələrində də uğurla icra olunur. Həmin Dövlət
Proqramı çərçivəsində Gəncə-Qazax-Gürcüstan dövlət sərhədi avtomobil yolunun
tikintisi də bu istiqamətdə görülən işlərin bariz nümunəsidir. Bu gün Qazax
Rayon İcra Hakimiyyətinin başçısı Rəcəb Babaşov Birinci Şıxlı kəndində yol
çəkilişi ilə bağlı görülən işlərlə tanış olub. Layihə
rəhbərinin müavini Elmir Qüdrətzadə görülən işlər barədə məlumat verərək bildirib
ki, 4 zolaqlı yolun 40 km-i Qazax rayonu ərazisindən keçir. Yeni çəkiləcək avtomobil
yolunun eni 27,5 metr, hərəkət hissəsi 15 metrdir. Bundan əlavə, yolda 9 ədəd
körpü, 90 ədəd su və mal keçidinin qoyulmasının nəzərdə tutulduğunu da qeyd
edib. Layihə rəhbəri 3
il müddətində çəkilməsi nəzərdə tutulan yeni avtomobil yolunun tikintisi üçün "Akkord
Sənaye Tikinti İnvestisiya Korporasiyası” ASC tərəfindən lazımi işlərin
görüldüyünü də bildirib. GOYEZEN.AZ
Facebook-da paylaş