Çaylı kənd İƏD-si üzrə nümayəndəliyin hesabat yığıncağı keçirilib
Bu
gün Qazax Rayon İcra Hakimiyyəti başçısının Çaylı kənd İnzibati Ərazi Dairəsi üzrə
nümayəndəliyində 2018-ci ildə görülmüş işlərə və qarşıda duran vəzifələrə həsr
olunmuş hesabat yığıncağı keçirilib. Yığıncaqda Qazax Rayon İcra
Hakimiyyəti başçısının müavini Tahir Musayev, aparatın hüquq şöbəsinin
müdiri İlyaz İsmayılov və kənd sakinləri iştirak ediblər. Yığıncağın
aparılması üçün sədr və katib seçildikdən sonra gündəlikdə duran məsələlər barədə
məlumat verilib. T.Musayev
çıxışı zamanı ölkə prezidenti İlham Əliyevin apardığı məqsədyönlü və uğurlu
iqtisadi islahatların Qazax rayonunda da öz bəhrəsini verdiyini qeyd edib.
Ölkəmizdə olduğu kimi, rayon rəhbərliyinin diqqət və qayğısı sayəsində,
bilavasitə rəhbərliyi altında Qazax rayonunda da sosial obyektlərin inşa
olunduğunu, kənd təsərrüfatının inkişaf etdirildiyini, təhsil, səhiyyə, mədəniyyət,
idman, eləcə də digər sahələrdə yüksək nailiyyətlərin əldə olunduğunu diqqətə
çatdırıb. Qeyd edib ki, son iki il yarımdır ki, həyata keçirilən genişmiqyaslı
quruculuq və abadlıq işləri Qazaxın simasını köklü şəkildə
dəyişmiş, respublikamızın ən inkişaf etmiş və abad rayonlarından birinə
çevrilmişdir. Bu gün tam əminliklə deyə bilərik ki, Qazaxda elə bir sahə yoxdur
ki, orada bir yenilik, bir inkişaf olmasın. Bildirib
ki, yola saldığımız 2018-ci il Qazaxda "Regionların sosial-iqtisadi
inkişafı Dövlət Proqramı”na uyğun olaraq görülən işlərin sayına görə də
yaddaqalan olmuşdur. "Azərxalça” ASC tərəfindən tikilən xalça
müəssisəsinin, "Mətanət A” şirkəti tərəfindən inşa edilmiş Əhəng
zavodunun, hazırda İkinci Şıxlı kəndində "İnvestel GROUP” MMC tərəfindən
tikilən və son tamamlanma işləri aparılan Aqroparkın, "Gedik Carçı
Qaynaq” LTD şirkəti tərəfindən inşa
edilən "Gedik-Carçı” Elektrod Zavodunun, 145 çarpaylıq rayon
Mərkəzi Xəstəxanasının tikintisi həmin işlərin bariz nümunəsidir. Rayonda
azyaşlı körpələrə göstərilən diqqət və qayğıdan, onların sağlam, hərtərəfli və
düzgün böyüməsi, təlim-tərbiyə olunması üçün yaradılan şəraitdən söz açan
T.Musayev bu gün rayon üzrə olan 25 bağçadan 18-nin müasir standartlara
cavab verən səviyyəyə çatdırıldığını qeyd edib. Vurğulayıb ki, ötən il
bağçalarda aparılan quruculuq işləri bu il də davam etdiriləcəkdir. Rayonda
daha 7 bağçanın da əsaslı şəkildə təmir olunmasının nəzərdə tutulduğunu
bildirən müavin həmin işlərin bu il də geniş miqyas alacağını vurğulayıb. Qeyd edib ki, bu gün rayon üzrə 14 yaşayış
məntəqəsində bağça yoxdur ki, həmin kəndlərdən biri də Çaylı kəndidir. Digər
kəndlərdə olduğu kimi, bu kənddə də bağçanın olması üçün lazımi tədbirlərin
görülməsi ilə bağlı aidiyyəti təşkilatlar qarşısında məsələ qaldırıldığını qeyd
edib. Respublikamızda, eləcə də bölgələrimizdə "Yeniləşən Azərbaycana
yeni məktəb” layihəsinin uğurla icra edilməsindən danışan T.Musayev hazırda
rayonumuzda əsaslı şəkildə yenidən qurulan S.Vurğun adına şəhər 2 nömrəli tam
orta məktəbdə görülən işləri bunun əyani sübutu kimi qiymətləndirib. Qeyd edib
ki, bu il rayonda daha 3 məktəbin - Kosalar, Kəmərli və Qaymaqlı kənd
məktəblərinin əsaslı şəkildə yenidən qurulması nəzərdə tutulub. Yeni
iş yerlərinin yaradılması istiqamətində həyata keçirilən tədbirlərdən danışan
müavin həmin işlərin bu il də davam etdiriləcəyini qeyd edib. Buna misal olaraq
başlanılması nəzərdə tutulan su-kanalizasiya xəttinin, Gəncə-Qazax-Gürcüstan
dövlət sərhəddi avtomobil yolunun çəkilməsini, "Saloğlu” fərdi mebel
firması tərəfindən yeni tikiləcək fabrikin inşasını göstərib. 2018-ci
ilin Qazax rayonu üçün uğurlu il olmasını qeyd edən T.Musayev 2019-cu ildə də
respublikamızda, eləcə də rayonumuzda daha böyük dövlət proqramlarının,
investisiya layihələrinin həyata keçiriləcəyini bildirib. Çaylı kənd İƏD-si
üzrə nümayəndə Mehman Eyvazov hesabat
məruzəsi ilə çıxış edərək qeyd edib ki, Qazax mahalının köklü kəndlərindən biri
də Çaylı və Bala Çaylı kəndləridir. İki kəndin birlikdə inzibati ərazisi 2411 hektar
sahəni əhatə edir. Nümayəndəliyin ərazisində 9100 nəfər əhali yaşayır. Əhalinin
4459 nəfərini kişilər, 4641 nəfərini isə qadınlar, 2521 nəfərini 19 yaşınadək gənclər
təşkil edir. Ərazidə 2577 təsərrüfat, 1 bələdiyyə, 3 tam orta məktəb, 1 folklor
evi, 1 folklor klubu, 2 kitabxana, 1 həkim məntəqəsi, 2 poçt və 2 rabitə şöbəsi
fəaliyyət göstərir. Nümayəndəlikdə 3
tam orta məktəb fəaliyyət göstərir. Vidadi Göşşüyev adına Çaylı kənd 1 nömrəli orta məktəbində 297 şagird təhsil
alır. 69 nəfər müəllim təlim–tərbiyə işləri ilə məşğuldur. Keçən il məktəbi
bitirən 20 nəfər məzundan 14 nəfəri ali məktəblərə daxil olmuşdur. Onlardan 2 nəfəri
500-dən yuxarı bal toplamışdır. Elşən Cəfərov
adına Çaylı kənd 2 nömrəli tam orta məktəbində 571 şagird təhsil alır ki,
onların təlim-tərbiyəsi ilə 98 nəfər müəllim məşğul olur. Keçən il məktəbi
bitirən 30 nəfər məzundan 18 nəfəri ali
məktəblərə daxil olmuşdur. Onlardan 2 nəfəri 500 baldan yuxarı nəticə göstərmişdir. Səlamət Həsənov
adına Bala Çaylı kənd tam orta məktəbində 143 şagirdin təlim-tərbiyəsi ilə 48 nəfər
müəllim məşğuldur. Keçən il məktəbi bitirən 17 nəfər məzundan 10 nəfəri ali məktəblərə
daxil olmuşdur. Onlardan 1 nəfəri 500-dən yuxarı bal toplamışdır. Əhalinin sağlamlığına,
onların səhiyyə xidmətinə məsuliyyəti Çaylı həkim məntəqəsinin kollektivi daşıyır.
Kollektivdə xəstələrin qeydiyyatı, uşaqlarda peyvəndlərin aparılması, ilkin
tibbi yardım, günün tələblərinə cavab verir. İcra nümayəndəliyi
üzrə 2018-ci ildə 2354 arayış verilmiş, 14 məktub daxil olmuş, kənar təşkilatlara
23 məktub göndərilmişdir. Vətəndaşlardan 12
yazılı, 33 şifahi müraciət daxil olmuşdur. Hesabat dövründə
129 doğum, 37 nigah, 68 ölüm qeydə alınmışdır. Nümayəndəlikdə təsərrüfatbaşına
kitablarda hesabat dövründə lazımi qeydlər aparılmış, imzalar edilmiş, pasport
qeydiyyatına daxil olan və qeydiyyatdan çıxanlar haqqında qeydlər aparılmışdır.
Əhalidə olan mal–qara və quşlar uçota alınaraq təsərrüfatbaşına kitablarda
qeydiyyatı aparılmışdır. Qazax Rayon
İcra Hakimiyyətinin başçısı Rəcəb Babaşov Qazax şəhərində və rayonun kəndlərində
işçi qruplarının yaradılması ilə əlaqədar Sərəncam imzalamışdır. HəminSərəncama uyğun olaraq Çaylı
və Bala Çaylı kəndlərinin hər birində tərkibi 5 nəfərdən ibarət olmaqla işçi
qrupları yaradılmışdır.İşçi qrupunun yaradılmasının əsas
məqsədi kənd əhalisinin problemləri ilə maraqlanmaq, həlli
istiqamətində işlər görmək, həll edilməyən məsələlərin həlli üçün aidiyyətiüzrə məsələ qaldırmaqdan ibarətdir. Kənd icra nümayəndəliyinin, işçi qruplarının təşəbbüsü və kənd fəallarının
iştirakı ilə kəndarası yolların, kəndi rayon mərkəzinə birləşdirən yolun
ətrafında və kənd qəbiristanlığında təmizlik işləri aparılaraq yol kənarlarına
ağac əkilmişdir. Kənd ərazisində
yol kənarlarına, su arxlarına zibil tullantıları atan vətəndaşlara qarşı
mübarizə tədbirləri aparılmışdır. Bu məqsədlə Qazax rayon Gigiyena və Epidemiologiya
Mərkəzindən nümayəndələr dəvət olunmuş, əhaliyə xəbərdarlıq edilmişdir. Nümayəndəliyin ərazisindən keçən Qazax-Əskipara və
Qazax-Sınıq körpü magistral yollarının kənarında təmizlik işləri görülmüşdür. 2018-ciildə Rayon İcra Hakimiyyətinin başçısı Rəcəb Babaşov Çaylı
və Bala Çaylı kənd sakinləri ilə səyyar görüşlər keçirmiş, kənd sakinlərini narahat edən problemlərlə yerində
tanış olaraq aidiyyəti üzrə tapşırıqlar vermişdir. Nümayəndəlik ərazisində
yaşayan şəhid ailələrinə, Qarabağ əlillərinə Qazax Rayon İcra Hakimiyyəti tərəfindən
Yeni il, Novruz və Qurban bayramı münasibətilə bayram sovqatları verilmişdir. Nümayəndəlik ərazisidə
2018-ci ildə elektrik enerjisi və təbii qaz yanacağının verilməsi fasiləsiz olmuşdur. Çaylı kənd Poçt şöbəsi əhalidən
enerji, qaz, telefon pullarını qəbul edir, müxtəlif pul baratları, məktubları qəbul
edib yola salır. Çaylı ATS-in
kollektivi əhalinin rabitə xidmətini təmin edir. Çaylı kəndində 2048 nömrəli
elektron ATS və mobil telefon stansiyaları Azərcell və Bakcell fəaliyyət göstərir.
Çaylı kəndində 628 abonent
internet xidmətindən istifadə edir. Dünyanın
istənilən ölkəsi ilə rabitə xidməti və internet xidməti təmin olunmuşdur. 2018-ci
ildə Qazax Telekommunikasiya Qovşağı tərəfindən 320 metr 20-lik kabel, 2200
metr 10-luk kabel, 1600 metr 50-lik kabel, 150 metr 30-luk kabel xətləri çəkilmiş,
9 karopka, 6 mufta qoyulub, 22 dirək yenisi ilə əvəz edilmişdir. 2018-ci ildə Bala
Çaylı kəndində 350 nömrəlik yeni elektron ATS kənd sakinlərinin istifadəsinə verilmişdir.
Bu işin görülməsi, otaqların təmir edilməsi rayon rəhbərliyi tərəfindən həyata
keçrilmişdir. Bu işlərə görə həm rayon rəhbərinə, həm də Qazax
Telekommunikasiya Qovşağının rəhbərliyinə öz təşəkkürümüzü bildiririk. Qazax Elektrik Şəbəkəsi
tərəfindən Çaylı və Bala Çaylı kəndlərini qidalandıran 10 kv-luq Bala
Çaylı-Çaylı və Çaylı hündürlük xətlərində 24 ədəd çürük ağac dayaqlar beton
dayaqlarla əvəz edilmişdir. Çaylı kəndində 5010094 saylı 160 kvA gücündə olan
transformatorun 0,4 kv tərəfində 2689 metr uzunluğunda SİB kabel çəkilmiş və 73
ədəd metal dayaq quraşdırılmışdır. 5013170 saylı 400 kvA transformatorun 0,4
kvA tərəfində 3143 metr uzunluğunda SİB kabel çəkilmiş və 50 ədəd metal dayaq
quraşdırılmışdır. Cəmi 5832 metr SİB kabel çəkilmiş və 123 ədəd metal dayaq
quraşdırılmışdır. Çaylı kəndində əhalini içməli su ilə təmin edən 3 ədəd
subartezian quyusuna qulluq edən zədəli transformatorlar şəbəkədə təmir
olunaraq sxemaya qoşulmuşdur. Həmçinin 35/10 kvA Qazaxbəyli yarımstansiyasında
Çaylı və Bala Çaylı kəndlərini qidalandıran xətlərin vakkum açarlarında cari təmir
işləri aparılmış, xətlərə yaxınlaşan ağacların budaqları kəsilmiş və tarımlama
işləri aparılmışdır. Şəmkir Regional Qaz İstismar İdarəsinin Qazax
Xidmət Sahəsi tərəfindən 65 p/m
uzunluğunda 400 mm-lik, 1020 p/m uzunluğunda 57 mm-lik, 6 p/m uzunluğunda 76
mm-lik, 300 p/m uzunluğunda 89 mm-lik, 592 p/m uzunluğunda 108 mm-lik, 7 p/m
uzunluğunda isə 159 mm-lik olmaqla ümumilikdə 1990 p/m uzunluğunda istismara
yararsız borular yenisi ilə dəyişdirilmiş, 1 ədəd qaz bağlayıcı qurğu
quraşdırılmışdır. Qazax Suvarma
Sistemləri İdarəsi və Çaylı SİB tərəfindən ümumi uzunluğu 25,1 km olan arxların
təmizlənməsi yüksək səviyyədə təşkil edilmişdir. Bunun da 15,7 km-i əl əməyi ilə,
9,4 km-i isə texnika vasitəsilə təmizlənmişdir. 2018-ci ildə götürülən suyun həcmi
13575 min kubmetr təşkil etmişdir ki, bundan da 2129 min kubmetr su payız
suvarmasında istifadə edilmişdir. Çaylı kəndində 31
artezian quyusu, Bala Çaylı kəndində isə 2 artezian quyusu olmaqla nümayəndəlik
ərazisində 33 artezian quyusu fəaliyyət göstərir. Çaylı kəndində əhalinin
suvarma suyuna olan tələbatının yaxşılaşdırılması məqsədilə 2018-ci ildə Çaylı
kəndində daha 1 ədəd artezian quyusu qazılmışdır. Əhalinin həyətyanı və pay
torpaqlarının suvarılması işi yaxşı təşkil edilmişdir. Həyətyanı və pay
torpaqlarının suvarılmasında heç bir problem olmamışdır. Nümayəndəlikdə əhalinin
əsas fəaliyyət sahəsi bitkiçilik və heyvandarlıqdır. 2018-ci ilin məhsulu üçün
545 hektarda payızlıq buğda, 30 hektar sahədə arpa, 30hektar sahədə kartof,
20 hektar sahədə qarğıdalı, 2 hektar sahədə günəbaxan, 55 hektar sahədə sorgo,
5 hektar sahədə noxud, 4 hektar sahədə bostan, 160 hektar sahədə tərəvəz, 610
hektar sahədə yonca, 440,9 hektar sahədə meyvə, 58 hektar sahədə üzüm əkilmişdir.
19838 sentner buğda, 753
sentner arpa, 5220 sentner kartof, 1000 sentner qarğıdalı istehsal olunmuşdur. 2018-ciildə nümayəndəlik ərazisində tütün və barama
istehsalı da
olmuşdur. 1 hektar sahədən 2730kiloqram tütün təhvil verilmiş, 220
kq barama istehsal olunmuşdur.Barama istehsalının artırılması məqsədilə əkilmiş tut tinglərinə aqrotexniki
qaydada qulluq edilmiş, yeni tut tingləri əkilmişdir. Kənd təsərrüfatı məhsulları
istehsal edən 759 nəfər
istehsalçıya müəyyən olunmuş qaydada yanacaq və sürtkü yağlarına
görə 71975,80 manat subsidiya ödənilmişdir. 2019-cu ilin məhsulu üçün nümayəndəlik ərazisində 622hektar sahəşumlanmış, 530 hektar sahədə buğda, 50hektar sahədə arpa əkilmişdir. 30 hektar kartof, 20 hektar qarğıdalı, 4 hektar tütün, 20 hektar yeni yonca və barama
yetişdirilməsi nəzərdə
tutulubdur. 1 yanvar 2019-cu
il tarixə əhali və fermer təsərrüfatlarında 3618 baş iribuynuzlu mal-qara, o
cümlədən 1833 baş ana inək, 10535 baş xırdabuynuzlu mal-qara, 20 min baş quş qeydiyyata alınmışdır. Pay torpaqlarının
və bələdiyyənin istifadəsində olan torpaqların təyinatı üzrə istifadə edilməsi,
kənd təsərrüfatı məhsullarının istehsalının artırılması, məhsuldarlığın yüksəldilməsi,
növbəli əkin sisteminin tətbiqinin əhaliyə çatdırılması, yazlıq bitkilərin və
yem bitkilərinin əkini üçün aqrotexniki tədbirlərin aparılması daim diqqət mərkəzindədir. Çaylı kənd icra
nümayəndəliyi istər əkinçilik, istərsə də heyvandarlıq sahəsində kənd əhalisinə
yaxından köməklik göstərir. Torpağın əkilməsində, səpilməsində, biçilməsində, sahələrin
qorunmasında çətinliklər olduqda Çaylı bələdiyyəsi ilə birlikdə həmin çətinliklər
aradan qaldırılır. Çaylı kənd 2 nömrəli tam orta məktəbin direktoru
Abbas Carçıyev, məktəbin müəllimi Məmməd Qocayev, Çaylı SİB-in icraçı direktoru
Asim Carçıyev, kənd həkim məntəqəsinin müdiri Lətifə Sanıyeva, məntəqənin tibb
işçisi Elmira Kosayeva, sakinlərdən Nazim Xasməmmədov, İbrahim Bənnayev, Camoy
Qurbanov, Arif Mirzəyev, Qəzənfər Qocayev və başqaları çıxış edərək hesabat ilində kənddə görülən tikinti-quruculuq
və abadlıq işlərinə, sakinlərə göstərilən diqqət və qayğıya görə ölkə başçısına,
rayon rəhbərliyinə öz dərin minnətdarlıqlarını bildiriblər. Son iki il yarımda
rayonda aparılan genişmiqyaslı işləri yüksək qiymətləndirən sakinlər bütün işlərin
vətəndaşların rifah halının yaxşılaşdırılmasına xidmət etdiyini bildiriblər.
Ölkəmizin, eləcə də bölgələrimizin durmadan inkişaf etməsini minnətdarlıq hissi
ilə qarşılayan sakinlər öz arzu və istəklərini, onları narahat edən qayğılarını
da çatdırıblar. Sakinlər tərəfindən səsləndirilən Çaylı kənd 2 nömrəli tam orta
məktəbin kanalizasiya sisteminin yenilənməsi, oyun meydançasının yaradılması, kənddə
yeni təmir olunmuş idman zalının istilik sisteminin təmin olunması, əhalinin
içməli suya olan tələbatının ödənilməsi üçün kənddə mövcud olan kəhrizin təmir
olunması, Bala Çaylı kəndində əlavə artezian quyusunun qazılması və s. bağlı
qaldırılan məsələlər müvafiq olaraq cavablandırılıb, hər bir məsələyə diqqətlə
yanaşılacağı və həlli mümkün olan nə varsa ediləcəyi bildirilib. GOYEZEN.AZ GOYEZEN.AZ
Qazax Rayon
İcra Hakimiyyəti başçısının müavini Tahir Musayev yığıncaqda giriş sözü ilə
çıxış edərək Prezident İlham Əliyevin rəhbərliyi ilə respublikamızda həyata
keçirilən iqtisadi islahatlardan, reallaşan beynəlxalq əhəmiyyətli layihələrdən
danışıb. Qeyd edib ki, regionların 2014-2018-ci illərdə
sosial-iqtisadi inkişafı Dövlət Proqramının icrasının yekunlarına həsr olunan
konfransda ölkə başçısı 2018-ci ildə ölkəmizin sürətlə və uğurla inkişaf
etdiyini bildirmişdir.
Facebook-da paylaş