Qazaxda ölkə başçısının imzaladığı Sərəncamlar uğurla icra olunur
Bu gün böyük bir tikinti
meydançasını xatırladan Qazax rayonunda bütün sahələrdə olduğu kimi, vətəndaşların
yaşayış şəraitinin yaxşılaşdırılması istiqamətində də məqsədyönlü işlər
görülür. Bu baxımdan rayondakı çoxmənzilli yaşayış binalarının əsaslı şəkildə
təmir olunaraq sakinlərin istifadəsinə verilməsi böyük əhəmiyyət kəsb edir. Bu
gün tam əminliklə deyə bilərik ki, ölkə başçısı İlham Əliyev tərəfindən
imzalanan Sərəncamlar rayonda uğurla icra olunur. Respublika Prezidentinin imzaladığı
20 oktyabr 2016-cı il tarixli Sərəncama əsasən ötən il 78 çoxmənzilli yaşayış
binasının əsaslı şəkildə təmir olunaraq sakinlərin istifadəsinə verilməsi, bu
il isə daha 85 ədəd çoxmənzilli yaşayış binalarında əsaslı təmir işlərinin
aparılması bunun əyani göstəricisidir. Bundan əlavə, dövlət başçısının respublikanın
şəhər və rayonlarında çoxmənzilli binaların dam örtüklərinin təmiri ilə bağlı
əlavə tədbirlər haqqında imzaladığı 4 oktyabr 2018-ci il tarixli
Sərəncamı bu istiqamətdə görülən işlərin uğurla davam etdirilməsi deməkdir. Bu gün
Qazax Rayon İcra Hakimiyyətinin başçısı Rəcəb Babaşov Prezident
Administrasiyasının məsul işçisi Orxan Mürsəlovla birlikdə şəhərdə əsaslı
şəkildə təmir olunaraq istifadəyə verilən, eyni zamanda, hazırda təmir işləri
aparılan çoxmənzilli yaşayış binalarına baxış keçirib. Binalarda aparılan
əsaslı təmir işləri ilə tanış olub. Rayon
rəhbəri və qonaq əvvəlcə 3 oktyabr tarixində əsaslı təmirdən sonra istifadəyə
verilən, Heydər Əliyev prospektində yerləşən 5 mərtəbəli, 3 bloklu, 37 mənzilli
61A nömrəli, 3 mərtəbəli, 2 bloklu, 18 mənzilli 63 nömrəli və 4 mərtəbəli, 4
bloklu, 36 mənzilli 65 nömrəli yaşayış binalarında görülən işlərlə tanış
olublar. Bina sakinlərindən Rüxsarə Eyyubova, Şükufə Məmmədtağıyeva çıxış
edərək səmimi ürək sözlərini çatdırıb, yaşadıqları binaların belə yüksək
səviyyədə təmir olunmasına görə Respublika Prezidenti İlham Əliyeva
minnətdarlıqlarını çatdırıblar. Sonra
rayonumuzda olan administrasiya nümayəndəsi "Fəxri qazaxlılar” parkında
sakinlərlə səmimi söhbət aparıb. Parkda istirahət edən ağsaqqallar rayonda
görülən işlərdən, rayon rəhbərinin sakinlərə olan münasibətindən söz açıblar.
Qazax rayonuna ayırdığı xüsusi diqqətə görə ölkə başçısına minnətdarlıqlarını
ifadə ediblər. Sakinlərlə
səmimi söhbətdən sonra şəhərin Azadlıq küçəsi 92 ünvanında yerləşən və dam
örtüyü dəyişdirilən 4 bloklu, 5 mərtəbəli, 36 ailənin yaşadığı binada olublar.
Bildirilib ki, lazım olan bütün materiallar təhvil verilib, hazırda binada dam
örtüyünün dəyişdirilməsinə başlanılıb. Görülən işlərlə əyani şəkildə tanış olan
rayon rəhbərliyi binanın qarşısında sakinlərlə də görüşüblər. Bina sakini
Tamella Poladlı səmimi ürək sözlərini çatdıraraq rayonumuzda aparılan abadlıq
işlərini, eləcə də çoxmənzilli binaların təmirini yüksək qiymətləndirdiyini
bildirib. Ölkə başçısına bütün bina sakinləri adından minnətdarlığını çatdırıb. Daha sonra
təmir olunmuş binalardan - şəhərin Heydər Əliyev prospektində yerləşən və
"Hərbi şəhərcik” adlanan 60 və 64 saylı binalarda görülən işlərə də baxılıb. Bina
sakinlərindən Qarabağ müharibəsi veteranı Naibə Əlisayeva, Əntiqə Həsənova və
başqaları yaşadıqları binaların əvvəlcə bərbad vəziyyətdə olduğunu qeyd
ediblər. Lakin bu gün istər binanın xarici fasadında, istərsə də bütün
bloklarında yüksək səviyyədə təmir işi aparıldığını və onlar üçün hər cür
şərait yaradıldığını bildiriblər. Yaradılan bu şəraitə görə bütün bina
sakinləri adından minnətdarlıqlarını çatdırıblar. "Hərbi şəhərcik”
adlanan yaşayış massivində hərbçi ailələrinin yaşadığı 2,3,4,5 saylı binanın
sakinləri də ölkə başçısının sadə vətəndaşlara göstərdiyi diqqət və qayğıdan
söz açıblar. Sakinlərdən Aidə Qapaqova, Tərlanə İbrahimova, Təranə Hüseynova,
Sürəya Qurbanova, Sabiri Kifayət, Tamella Məmmədova qeyd ediblər ki, dövlət
başçısının siyasətinin əsasını təşkil edən vətəndaş amili bu gün Qazaxda olduğu
kimi həyata keçirilir. Biz hərbçi
ailələri bu il ikiqat sevinc hissi yaşadıq. 26 iyunda həm Milli Ordumuzun
yaranmasının 100 illiyini, həm də ölkə başçısı İlham
Əliyevin Sərəncamına əsasən əsaslı şəkildə təmir olunmuş binamızın açılışını
böyük təntənə ilə qeyd etdik. Bu, bayram günü biz hərbçi ailələrinə verilən ən
böyük hədiyyə idi. Buna görə bütün hərbçi ailələri adından dövlətimizin
başçısı, Ali Baş Komandan İlham Əliyevə minnətdarlığımızı bildirir və tam
əminliklə qeyd edirik ki, bu gün biz ona arxalanırıq. Respublika Prezidentinin
müvafiq Sərəncamına əsasən əsaslı şəkildə təmir edilən binalardan biri də N.Nərimanov
yaşayış massivində yerləşən 45 saylı binadır. Rayon rəhbəri və administrasiya
nümayəndəsi bu gün həmin binaya da baş çəkiblər. Görülən işlərlə tanış olublar.
Bina sakinlərindən Sabir Məhərrəmov, Firəngiz Hacıyeva və başqaları çoxmənzilli
binalarda görülən işlərdən danışıblar. Təkcə bu il nəzərdə tutulan çoxmənzilli
binalardan artıq 20-nin əsaslı şəkildə təmir olunmasını vətəndaşlara göstərilən
yüksək qayğının əyani təzahürü olduğunu qeyd ediblər. 45 saylı bina ilə yanaşı,
massivdə yerləşən 13,31,32,41,42,43,44,46,47,48 saylı binaların da əsaslı
şəkildə təmir olunduğunu bildiriblər. Bu binaların da böyük şəhərlərdə olan
binalardan heç də geri qalmadığını, öz müasir görkəmləri ilə göz oxşadığını
vurğulayıblar. N.Nərimanov yaşayış
massivində yerləşən, 4 bloklu, 5 mərtəbəli, 1 saylı bina da təmir
olunan binalar sırasındadır. Bu gün baxış zamanı bina sakinlərindən Cəfər
Həsənov, Tamam Məmmədova da istər binada, istərsə də həyətdə aparılan abadlıq
işlərini yüksək qiymətləndiriblər. Bina sakinləri qeyd ediblər ki, biz əminik
ki, digər binalar kimi, bizim yaşadığımız bina da əsaslı şəkildə təmir olunacaqdır.
Ötən il binada xeyli sayda işlərin görüldüyünü bildirən sakinlər təmir
işlərinin bu il də davam etdirilməsini vətəndaşlara olan yüksək qayğı kimi
dəyərləndiriblər. Ölkə başçsının 4 oktyabr 2018-ci il tarixli Sərəncamının bu
qayğının əyani sübutu olduğunu bildiriblər. İcra başçısı Ə.Şıxlinski küçəsində yerləşən, keçmiş kənd təsərrüfatı
texnikumunun yataqxanası olan, 37 ailənin yaşadığı "Oxumaq-oxumaq”
adlanan binada görülən işlərlə də maraqlanıb. Bildirilib ki, bloklarla yanaşı,
binanın xarici fasadında suvaq işlərinə başlanılıb. Yaşadıqları binanın təmir olunmasını sevinc hissi ilə qarşılayan
sakinlərdən Qaməd Qasımov, Reyhan Abdurrəhmanova və başqaları çıxış edərək qeyd
ediblər ki, biz sakinlər çox sevinirik ki, ölkə başçısının siyasətinin əsasını
təşkil edən vətəndaş amili bu gün Qazaxda olduğu kimi icra olunur. Rayon rəhbəri
fəaliyyətə başladığı ilk gündən biz sakinlər bu diqqət və qayğını hər zaman
hiss etmişik. Bizim yaşadığımız binada gördüyü işlər, xüsusilə də evə ehtiyacı
olan insanlara bu binada yaşamaq üçün yaratdığı şərait, mütəmadi olaraq
qayğılarımızla maraqlanmağı bunun əyani sübutudur. Sakinlərin minnətdarlıq dolu ürək
sözlərini dinləyən rayon rəhbəri onlara göstərilən diqqət və qayğının bundan
sonra da yüksək səviyyədə olacağını və təmir olunan digər binalar kimi, bu
binanın da istər blokunda, istərsə də xarici fasadında yüksək səviyyədə təmir
işlərinin görüləcəyini bildirib. Yaşadıqları binanın
əsl təhsilin adına uyğun bir bina olacağını qeyd edib. Respublika
Prezidenti İlham Əliyevin siyasətinin Qazax rayonunda olduğu kimi icra
olunmasının nəticəsidir ki, son 2 il 4 ayda abadlıq və quruculuq işləri geniş
vüsət alıb. Bunu rayonda inşa olunan sosial obyektlərin, uşaq bağçalarının,
məktəblərin tikilməsindən, yolların çəkilməsindən, bir sözlə, həyata keçirilən
genişmiqyaslı tikinti-quruculuq işlərindən də aydın şəkildə görmək olur. Bu
fikirlər bu gün "Gillik” adlandırılan ərazidə, Ə.Şıxlinski küçəsində yerləşən
hər biri 4 blokdan, 50 mənzildən ibarət olan 4 və 5 saylı beşmərtəbəli yaşayış
binalarında yaşayan sakinlər tərəfindən səsləndirilib. 4 saylı binada yaşayan
sakinlərdən İlhamə Xuduyeva, Pərnisə Qədimova, 5 saylı binanın sakini Nailə
Əliyeva səmimi ürək sözlərini çatdıraraq respublikamızda, eləcə də Qazax
rayonunda görülən genişmiqyaslı işlərə, xüsusilə də çoxmənzilli binaların
yüksək səviyyədə təmir olunmasına görə Respublika Prezidenti İlham Əliyevə,
Rayon İcra Hakimiyyətinin başçısı Rəcəb Babaşova öz dərin minnətdarlıqlarını
bildiriblər. Ölkə başçısının imzaladığı Sərəncamın rayonda olduğu kimi icra
edilməsini yüksək qiymətləndiriblər. Dövlət başçısı tərəfindən hər zaman
qayğı ilə əhatə olunduqlarını və bu gün yüksək səviyyədə təmir olunmuş
çoxmənzilli binaların bu qayğının ən bariz nümunəsi olduğunu qeyd ediblər. Bildiriblər
ki, bu gün biz vətəndaş olaraq sevinirik ki, "Regionların sosial-iqtisadi
inkişafı Dövlət Proqramı” Qazaxda uğurla icra olunur. Rayonda aparılan abadlıq
və quruculuq işləri, xüsusilə də çoxmənzilli yaşayış binalarının əsaslı şəkildə
təmir olunması geniş vüsət alıb. GOYEZEN.AZ
Rayon
rəhbərliyi dam örtüyü dəyişdirilən Bakı küçəsi 1
ünvanında yerləşən 3 bloklu, 5 mərtəbəli, 30 ailənin yaşadığı binada da
olublar. Görülən işlərlə tanış olaraq bina sakinləri ilə görüşüblər. Bina
sakinlərindən Yeganə Orucova, Sahibə Binnətova, Aygün Hacıyeva, Aygün Həsənova,
Günay Rəhimova çıxış edərək respublikamızda,
eləcə də Qazax rayonunda görülən genişmiqyaslı işlərə görə Respublika
Prezidenti İlham Əliyevə bütün bina sakinləri adından dərin minnətdarlıqlarını
bildiriblər. Ölkə başçısının çoxmənzilli binalarla bağlı
imzaladığı sonuncu sərəncamı minnətdarlıq hissi ilə qarşılayan bina sakinləri
bu sərəncamın onlar üçün əsl töhfə olduğunu bildiriblər.
Bakı küçəsi 2
ünvanında, "Göy bina” adlandırılan ərazidə yerləşən 2 bloklu, 5 mərtəbəli
binanın sakinləri də ötən il yaşadıqları binanın əsaslı şəkildə təmir
olunmasını yüksək qiymətləndirdiklərini bildiriblər. Sakinlərdən Novruz Əliyev,
Tamella Əliyeva, Heyranə Məhərrəmova, Müşkünaz Əsgərova və başqaları çıxış
edərək bina ilə yanaşı, həyətdə də abadlıq işlərinin aparıldığını, SİP kabel
çəkildiyini, su probleminin həll olunduğunu bildirərək sakinlər üçün hər cür
şərait yaradıldığını qeyd ediblər.
Azadlıq küçəsi 206A
ünvanında yerləşən və əsaslı şəkildə təmir olunan 6 bloklu, 5 mərtəbəli binaya
baxış zamanı bu binada yaşayan sakinlər də səmimi ürək sözlərini çatdırıblar.
Ələsgər Ələsgərov, Nüşabə Kərimova bina sakinləri adından ölkə başçısına və rayon
rəhbərliyinə istər Qazaxda görülən bütün işlərə, istərsə də yaşadıqları binanın
əsaslı təmirinə görə dərin təşəkkürlərini çatdırıblar. Sakinlərin həyətdə
uşaqlar üçün oyun meydançasının yaradılması ilə bağlı müraciətlərini dinləyən
rayon rəhbəri növbəti ildə baxılacağını və nəzərə alınacağını bildirib.
Facebook-da paylaş