• Təqvim

  • Unutma

  • Maraq



İcra başçısı 2 nömrəli məktəbdə görülən işlərlə tanış olub


Bu gün Qazax Rayon İcra Hakimiyyətinin başçısı Rəcəb Babaşov Prezident Administrasiyasının məsul işçisi Orxan Mürsəlovla birlikdə dahi şair Səməd Vurğunun adını daşıyan şəhər 2 nömrəli tam orta məktəbdə aparılan əsaslı tikinti işləri ilə tanış olub.

İş icraçısı Pərviz Qafarov görülən işlər barədə məlumat verərək bildirib ki, rayon rəhbərliyinin təşəbbüsü və Təhsil Nazirliyinin xətti ilə əsaslı tikinti işləri aparılan məktəbdə işlərə ilk gündən böyük sürətlə start verilib. Məktəbin əsas binasında, A, B, C korpuslarında, sinif otaqlarında, köhnə idman zalı, klub və bufetdə, arxada yerləşən yardımçı otaqlarda işlərin yüksək səviyyədə həyata keçirildiyini qeyd edib. Məktəb binası ilə yanaşı, həyətdə də tikinti işlərinin aparıldığını bildirib. Hazırda məktəbin həyətinə tamet döşəndiyini, hasar çəkildiyini və aqlay vurulduğunu çatdırıb. Məktəbdə əsaslı təmir işləri ilə yanaşı, müasir standartlara cavab verən emalatxana, qazanxana, nasosxana və su anbarlarının da inşa olunduğunu qeyd edib.

Məktəbin direktoru Murğuz Mustafayev Respublika Prezidenti İlham Əliyevin təhsil sahəsindəki həyata keçirdiyi genişmiqyaslı layihələrdən, görülən işlərdən söhbət açaraq rəhbərlik etdiyi məktəbdə həyata keçirilən əsaslı tikinti işlərinin də bu tədbirlərin bir hissəsi olduğunu bildirib. Rayonumuzda aparılan genişmiqyaslı tikinti-quruculuq işlərinə, təhsil sahəsinə, müəllimlərə göstərdiyi diqqət və qayğıya görə Respublika Prezidenti İlham Əliyevə bütün müəllimlər adından öz dərin minnətdarlığını çatdırıb. Fəaliyyətə başladığı ilk gündən rayon təhsilinin inkişaf etdirilməsi üçün hər zaman öz qayğısını əsirgəməyən rayon rəhbərliyinə sonsuz təşəkkürlərini ifadə edib.

Daha sonra məktəb direktoru müəllim-şagird kollektivi barədə məlumat verib. Qeyd edib ki, məktəbdə Azərbaycan və rus bölmələri üzrə tədris aparılır. 964 şagird yerlik məktəbdə 45 sinif otağı vardır. 34 sinif komplektində şagirdlərə dərs keçirilir. Həmin siniflərdən 23-ü Azərbaycan, 11-i rus bölməsi üzrədir. Hazırda məktəbdə 641 nəfər şagird təhsil alır ki, onların da təlim-tərbiyəsi ilə 76 müəllim məşğul olur. Bundan əlavə, 6 nəfər rəhbər heyət və 27 texniki işçi çalışır. Azərbaycan bölməsində 2 birinci, 1 doqquzuncu və 2 onbirinci sinif var. Rus bölməsində isə birinci, doqquzuncu və onbirinci siniflərin sayı 1-dir. Bundan başqa, 5 yaşlı hazırlıq qrupunda 51 uşaq elmin sirlərinə yiyələnir.





GOYEZEN.AZ


Facebook-da paylaş