Qazaxda çoxmənzilli yaşayış binalarının dam örtüklərinin dəyişdirilməsi uğurla davam etdirilir
Bu gün Qazax Rayon İcra Hakimiyyətinin başçısı Rəcəb
Babaşov Azadlıq küçəsi 92 ünvanında yerləşən və dam örtüyü dəyişdiriləcək daha
bir bina ilə tanış olub. 4 bloklu, 5 mərtəbəli, 36 ailənin yaşadığı binanın
bloklarındakı mövcud vəziyyətlə maraqlanıb.
Sonra binanın həyətində sakinlərlə görüşən icra
başçısı rayonda təmir olunan digər binalar kimi, bu binanın da əsaslı şəkildə
təmir olunacağını qeyd edib. Əvvəlcə dam örtüyünün dəyişdiriləcəyini bildirən
rayon rəhbəri binanın bloklarında və həyətində də abadlıq işlərinin
aparılacağını qeyd edib.
Bina sakinləri çıxış edərək respublikamızda, eləcə də Qazax rayonunda görülən
genişmiqyaslı işlərə görə Respublika Prezidenti İlham Əliyevə dərin
minnətdarlıqlarını bildiriblər.
"Regionların sosial-iqtisadi inkişafı Dövlət
Proqramı”na uyğun olaraq Qazax rayonunda aparılan abadlıq və quruculuq işlərini,
xüsusilə də çoxmənzilli yaşayış binalarının əsaslı şəkildə təmir olunmasını
yüksək qiymətləndiriblər. Ölkə başçısının imzaladığı 20 oktyabr 2016-cı il
tarixli Sərəncama əsasən ötən il 78 çoxmənzilli yaşayış binasının əsaslı
şəkildə təmir olunaraq sakinlərin istifadəsinə verilməsini, bu il isə daha 85
ədəd çoxmənzilli yaşayış binalarında əsaslı təmir işlərinin aparılmasını minnətdarlıq
hissi ilə qarşılayıblar. Rayon rəhbərliyinin tapşırığına əsasən təmiri nəzərdə
tutulan həmin binalardan 74-nün, eləcə də yaşadıqları binanın dam örtüyünün
dəyişdirilməsinə görə rayon rəhbərliyinə minnətdarlıqlarını çatdırıblar. Ölkə
başçısının respublikanın şəhər və rayonlarında çoxmənzilli binaların dam
örtüklərinin təmiri ilə bağlı əlavə tədbirlər haqqında imzaladığı 4
oktyabr 2018-ci il tarixli Sərəncamını minnətdarlıq hissi ilə qarşılayan
bina sakinləri bu Sərəncamın onlar üçün əsl töhfə olduğunu bildiriblər.
Məlumat üçün bildirək ki, bu il təmiri nəzərdə tutulan çoxmənzilli yaşayış binalarından
20-si tam hazırdır. "Hərbi şəhərcik” adlanan yaşayış massivində hərbçi
ailələrinin yaşadığı 2,3,4,5 saylı, N.Nərimanov yaşayış massivində yerləşən
13,31,32,41,42,43,44,45,46,47,48 saylı, "Gillik” adlandırılan ərazidə,
Ə.Şıxlinski küçəsində yerləşən hər biri 4 blokdan, 50 mənzildən ibarət olan 4
və 5 saylı beşmərtəbəli yaşayış binaları, Heydər Əliyev prospektində
yerləşən 5 mərtəbəli, 3 bloklu, 37 mənzilli 61A nömrəli, 3 mərtəbəli, 2 bloklu,
18 mənzilli 63 nömrəli və 4 mərtəbəli, 4 bloklu, 36 mənzilli 65 nömrəli yaşayış
binaları həmin təmirli binalar sırasındadır. GOYEZEN.AZ
Facebook-da paylaş