2 saylı məktəbdə son tamamlanma işləri görülür
Məlumat
verdiyimiz kimi, rayon rəhbərliyinin təşəbbüsü və Təhsil Nazirliyinin xətti ilə
Qazaxda daha bir məktəbdə əsaslı tikinti işləri aparılır. Xalq şairi Səməd Vurğunun
adını daşıyan şəhər 2 nömrəli tam orta məktəbdə əsaslı tikinti işlərinə ilk
gündən böyük sürətlə start verilib.
Bu gün Qazax
Rayon İcra Hakimiyyətinin başçısı Rəcəb Babaşov məktəbdə görülən işlərlə
yaxından tanış olub.
İş icraçısı
Pərviz Qafarov görülən işlər barədə məlumat verərək məktəbin əsas binasında, A,
B, C korpuslarında, sinif otaqlarında, köhnə idman zalı, klub və bufetdə, arxada
yerləşən yardımçı otaqlarda işlərin yüksək səviyyədə həyata keçirildiyini qeyd
edib. Məktəb binası ilə yanaşı, həyətdə də tikinti işlərinin aparıldığını
bildirib. Hazırda məktəbin həyətinə tamet döşəndiyini, hasar çəkildiyini və
aqlay vurulduğunu çatdırıb.
Görülən işlərlə
yaxından tanış olan rayon rəhbəri işlərin sürətləndirilməsini və keyfiyyətlə
aparılmasını tapşırıb.
Məlumat üçün bildirək
ki, məktəbdə əsaslı təmir işləri ilə yanaşı, müasir standartlara cavab verən
emalatxana, qazanxana, nasosxana və su anbarları da inşa olunub.
\GOYEZEN.AZ
Facebook-da paylaş