2 saylı məktəbdə son tamamlanma işləri görülür
Artıq 4 aydan
çoxdur ki, məlumat verdiyimiz kimi, rayon rəhbərliyinin təşəbbüsü və Təhsil
Nazirliyinin xətti ilə Qazaxda daha bir məktəbdə əsaslı tikinti işləri
aparılır. Dahi şair Səməd Vurğunun adını daşıyan şəhər 2 nömrəli tam orta
məktəbdə əsaslı tikinti işlərinə ilk gündən böyük sürətlə start verilib.
Bu gün Qazax
Rayon İcra Hakimiyyətinin başçısı Rəcəb Babaşov məktəbdə görülən işlərlə
yaxından tanış olub.
İş icraçısı
Pərviz Qafarov məlumat verərək bildirib ki, aprel ayından başlayaraq aparılan
əsaslı tikinti işləri sürətlə davam etdirilir. Qısa zaman kəsiyində istər məktəbin
əsas binasında, istər sinif otaqlarında, istərsə də köhnə idman zalı, klub və
bufetdə, arxada yerləşən yardımçı otaqlarda işlərin yüksək səviyyədə həyata
keçirildiyini qeyd edib.
A, B və C
korpuslarında görülən işlərlə yaxından tanış olan rayon rəhbəri işlərin
sürətləndirilməsini və keyfiyyətlə aparılmasını tapşırıb.
Məlumat üçün onu
bildirək ki, məktəbdə əsaslı təmir işləri ilə yanaşı, müasir standartlara cavab
verən emalatxana, qazanxana, nasosxana və su anbarları da inşa olunub.
GOYEZEN.AZ
Facebook-da paylaş