Çoxmənzilli binaların əsaslı şəkildə təmiri uğurla davam edir
Bu gün
Respublika Prezidenti İlham Əliyevin Qazaxda çoxmənzilli binların əsaslı
şəkildə təmir olunması ilə bağlı imzaladığı 20 oktyabr 2016-cı il tarixli
Sərəncamı uğurla icra olunur. Son 2 ildə ki,
rayonda çoxmənzilli binaların əsaslı şəkildə təmiri ilə əlaqədar görülən
məqədyönlü işlər bunu söyləməyə əsas verir. Yüksək sürətlə start götürən abadlıq işləri nəticəsində ötən il rayonda
78 çoxmənzilli yaşayış binasının əsaslı şəkildə təmir olunması bunun əyani
sübutudur. Sevindirici
haldır ki, çoxmənzilli binalarda aparılan quruculuq işləri bu il də davam
etdirilir. Rayon
rəhbərliyinin tapşırığına əsasən bu il daha 85 ədəd çoxmənzilli yaşayış
binalarında əsaslı şəkildə təmir işlərinin aparılmasına qərar verilib. Nəzərdə
tutulan həmin binalardan 74-nün isə dam örtüyünün dəyişdirilməsinə ehtiyac
vardır. Dam örtüyünün dəyişdirilməsi ilə
bağlı görülən işlər sürətlə davam etdirilir. Təmir işlərinin
belə sürətlə aparılmasının nəticəsidir ki, təmiri nəzərdə tutulan həmin
çoxmənzilli binalardan artıq 15-i tam hazırdır. "Hərbi
şəhərcik” adlanan yaşayış massivində hərbçi ailələrinin yaşadığı 2,3,4,5 saylı,
N.Nərimanov yaşayış massivində yerləşən 13,31,32,41,42,43,44,45,46,47,48 saylı
çoxmənzilli yaşayış binaları təmiri başa çatan binalar sırasındadır. Bütün
binalarda təmir işlərinin yüksək keyfiyyətlə aparılması rayon sakinlərinin də
ürəyincədir və buna görə razılıq edirlər. Şəhərdə daha 5
ədəd - Heydər Əliyev prospektində yerləşən 3,4 və 5 mərtəbəli 61A, 63, 65
saylı, Ə.Şıxlinski küçəsində, "Gillik” adlandırılan ərazidə olan 4 və 5 saylı
beşmərtəbəli yaşayış binalarında əsaslı təmir işlərinə başlanılıb. Demək olar ki, bu binalarda da işlərin çox hissəsi görülüb. Bu gün Qazax
Rayon İcra Hakimiyyətinin başçısı Rəcəb Babaşov prospektdə təmir işləri
aparılan çoxmənzilli binalarda olub, görülən işlərlə maraqlanıb. İcra başçısına
məlumat verilib ki, bütün binaların bloklarında divarlarda köhnə suvaqlar
çapılaraq yenidən vurulub. Daxili fasadla yanaşı, binanın xaricində də suvaq
işləri aparılır və bu iş davam edir. Bundan
əlavə, binaların giriş hissələrinə yeni dəmir qapılar qoyulur. Elektrik və telefon
xətləri səliqəyə salınır. Təmir aparılan
binalardan – 63 saylı binada 2 blokda görülən əsas işlər yekunlaşıb. 61 A və 65 saylı binalarda da işlər sürətlə davam
etdirilir. Bundan əlavə, binaların həyətində köhnə işıq dirəkləri yenisi ilə
əvəz olunub və SİP kabelləşmə işi aparılıb. İşlərlə tanış
olan rayon rəhbəri hər 3 binanın həyətinə asfalt vurulmasını və səliqə-sahman
yaradılmasını bildirib. Bütün işlərin keyfiyyətlə görülməsini tapşırıb. Bina sakinləri
respublikamızda, eləcə də Qazax rayonunda görülən genişmiqyaslı işlərə,
xüsusilə də çoxmənzilli binaların yüksək səviyyədə təmir olunmasına görə Respublika
Prezidenti İlham Əliyevə, Rayon İcra Hakimiyyətinin başçısı Rəcəb Babaşova öz
dərin minnətdarlıqlarını bildiriblər. Ölkə başçısının imzaladığı Sərəncamın rayonda
olduğu kimi icra edilməsini yüksək qiymətləndiriblər. GOYEZEN.AZ
Facebook-da paylaş