Respublika Prezidenti İlham Əliyevin 20 oktyabr 2016-cı il tarixli Sərəncamına əsasən 2017-ci ildə Qazax rayonunda 78 çoxmənzilli yaşayış binası əsaslı şəkildə təmir olunmuşdur.

Çoxmənzilli binalarda əsaslı şəkildə aparılan abadlıq və quruculuq işləri bu il də davam etdirilir. Bu il daha 85 ədəd çoxmənzilli yaşayış binalarında təmir işlərinin aparılması nəzərdə tutulmuşdur. Bu binalardan 74-nün dam örtüyünün dəyişdirilməsinə ehtiyac vardır. Hazırda 17 ədəd çoxmənzilli yaşayış binasında təmir işlərinə başlanılıb ki, həmin binalarda işlər sürətlə davam edir.

Bu gün Qazax Rayon İcra Hakimiyyətinin başçısı Rəcəb Babaşov N.Nərimanov yaşayış massivində təmir olunan çoxmənzilli binalara baxıb, görülən işlərlə tanış olub.

Rayon rəhbərliyinə məlumat verilib ki, N.Nərimanov yaşayış massivində 7 binada dam örtüyü dəyişdirilib, bloklarda əsaslı təmir işləri aparılıb və giriş hissələrində dəmir qapılar quraşdırılıb. 4 binada dam örtüyünün dəyişdirilməsi, 2 binada isə köhnə suvaq qatının sökülməsi davam edir.