Qazax şəhər stadionu təmir olunur
Hal-hazırda isə uzun müddət diqqətdən kənarda qalmış şəhər stadionunda təmir işlərinə başlanılıb.
Bu gün Qazax rayon İcra Hakimiyyətinin başçısı Rəcəb Babaşov şəhər stadionunda olub, orada aparılan təmir işləri ilə maraqlanıb. Rayon rəhbərliyinə məlumat verilib ki, stadionun ətrafında təmizlik işləri aparılıb, səliqə-sahman yaradılıb. Hal-hazırda isə təmir-bərpa işlərinə başlanılıb. İnşaatçılar suvaq işləri görür, uçan yerləri bərpa edir, normal hala salırlar. Bu işlərin görülməsi üçün kifayət qədər işçi qüvvəsi ayrılıb. İnşaatçıların səylə çalışmalarının nəticəsidir ki, qısa müddətdə xeyli təmir-bərpa işləri görülüb.
Rayon İcra Hakimiyyətinin başçısı Rəcəb Babaşov aparılan təmir-bərpa işləri ilə yaxından tanış olduqdan sonra lazımi tapşırıq və tövsiyələrini verib.
Facebook-da paylaş