Qazax rayon İcra Hakimiyyətinin başçısı Rəcəb Babaşov mütamadi olaraq Xanlıqlar kəndi ərazisində tikilən elektrod zavoduna baş çəkir, burada görülən işlərlə maraqlanır.

Rayon rəhbərliyinə məlumat verilib ki, “Carçıoğlu GROUP” MMC tərəfindən inşa edilən elektrod zavodunun ərazisi 1,5 hektardır. Bunun 2400 kvadratmetr olan örtülü sahəsində məhsul istehsal ediləcəkdir. Tam gücü ilə işləyəndə müəssisədə 100 nəfərə yaxın rayon sakini işlə təmin olunacaqdır.

Hazrda tikinti işləri sürətlə davam edir. Zavodun həm daxilində, həm də ətrafında inşaat işləri görülür. Zavodun tikintisi ilə tanış olduqdan sonra rayon rəhbərliyi müvafiq tövsiyələrini verib.