Qazaxda tütün yığılır » Göyəzən internet portalı


Qazaxda tütün yığılır

Qazaxda tütün yığılır

Qazaxda tütün yığımına başlanılıb. Bu il rayon üzrə 50 hektar sahədə tütün əkilib. Bunun 30 hektarı Kosalar kəndi ərazisindədir.

Əkin zamanı ən çox “Virciniya” sortuna üstünlük verilib. Məhsuldarlıq baxımından olduqca əlverişli olan bu sort boyu uca olmasa da, yarpaqları enli və çox olması ilə diqqəti cəlb edir. Tütünün maya dəyərinin az olması üçün kənd sakinləri rayonun Cəfərli kəndində şitili özləri yetişdiriblər.

Tütünçülər GOYEZEN.AZ saytına bildiriblər ki, biz bu məhsulu özümüz əkib-becərmişik. Sahələrdə bol məhsul yetişdirmişik. Hal-hazırda tütün yarpaqlarının dərilməsinə başlanılıb. Yarpaqları yığıb qurtardıqdan sonra qurudub zavoda təhvil verəcəyik.

Tütünçülərin çalışmaları üçün normal şərait yaradılıb. Kənd sakinləri yığdıqları yarpaqları elə sahənin yaxınlığında ipə düzüb qurudurlar.

Tütün yığımı ilə yanaşı sahələrin alaq otlarından təmizlənməsi işi də aparılır.


Facebook-da paylaş