Qazaxda 9 Noyabr - Dövlət Bayrağı Günü münasibətilə idman festivalı keçirilib
Bu
gün Qazax Rayon Gənclər və İdman İdarəsinin təşkilatçılığı ilə Qazax Olimpiya
İdman Kompleksinin Əl Oyunları zalında 9 Noyabr - Dövlət Bayrağı Günü münasibətilə
idman festivalı keçirilib. Azərbaycan
Respublikasının Dövlət Himni səsləndirildikdən sonra festival açıq elan edilib. Qazax
Rayon Gənclər və İdman İdarəsinin rəis müavini Sahib Namazov tədbiri giriş sözü
ilə açaraq festivalın məqsəd və əhəmiyyətindən danışıb. Festival
iştirakçılarını əlamətdar gün münasibətilə təbrik edib və uğurlar arzulayıb. Festivalda
idmanın sərbəst güləş, qol güləşi, boks, karate, həndbol, cüdo və futbol növləri
üzrə 130 nəfər idmançının iştirakı ilə nümunəvi çıxışlar göstərilib. Tədbirin
sonunda idman festivalında iştirak edən hər bir komandaya üçrəngli Dövlət
Bayrağı təqdim olunub. İdman festivalında ümumilikdə 230 nəfər iştirak edib.
GOYEZEN.AZ
Facebook-da paylaş