20 Yanvar şəhidlərinin xatirəsinə həsr olunmuş turnir və birincilik keçirilib
Qazax rayon Gənclər və İdman İdarəsinin
2019-cu ilin I yarımilliyi üçün təsdiqlənmiş tədbirlər planına əsasən, 20
Yanvar faciəsinin 29-cu ildönümünə həsr olunmuş silsilə tədbirlər keçirilib. 13-16 yanvar tarixlərində
Qazax Şahmat Mərkəzində keçirilən dama üzrə rayon turnirinə 39 nəfər şagird
qatılıb. Yarışın nəticələrinə görə Hikmət Əsgərzadə
I, Məhəmməd Qurbanlı II, Temuraz Məmmədov və Fatimə Ələkbərova isə III yerə
layiq görülüblər. Bu gün eyni zamanda, 20 Yanvar şəhidlərinin
xatirəsinə həsr olunmuş sərbəst güləş üzrə rayon birinciliyi də keçirilib.
Birincilikdə 2002-2003-cü il təvəllüdlü yeniyetmələr öz güclərini sınayıblar. Qazax
Olimpiya İdman Kompleksində təşkil olunmuş birincilikdə 60 nəfər idmançı iştirak edib. Hər iki yarışda I,II,III yeri
tutan idmançılara rayon Gənclər və İdman İdarəsinin medal və Fəxri Fərmanları təqdim
olunub. GOYEZEN.AZ
Facebook-da paylaş