Qazax GİKM-nin könüllüləri “Milli Teatr Günü” ilə bağlı Qazax Dövlət Dram Teatrının qonağı olub
Qazax Gənclərin İnkişaf və
Karyera Mərkəzinin könüllüləri 10 Mart – "Milli Teatr Günü” ilə əlaqədar Qazax
Dövlət Dram Teatrının qonağı olublar. Teatrın baş rejissoru, Əməkdar
artist Musa Eyyubov gənclərə Azərbaycan teatrının tarixi haqqında ətraflı
məlumat verib. Qeyd edilib ki, XIX əsrin 70-ci illərində Azərbaycanda milli
teatrın yaranması mədəniyyətimizin tarixində çox böyük hadisə olub. 1873-cü il
martın 10-da Bakı realnı məktəbinin teatr həvəskarları truppası tərəfindən
M.F.Axundzadənin "Sərgüzəşti-vəziri-xani Lənkəran" komediyası
tamaşaya qoyulub. Bu şərəfli işdə Həsən bəy Zərdabi və Nəcəf bəy Vəzirov mühüm
rol oynayıblar. Milli teatrın inkişafında məşhur xeyriyyəçi-mesenat
Hacı Zeynalabdin Tağıyevin də böyük xidməti olub. O, Bakı şəhərində ilk teatr
binası inşa etdirib. Prezident İlham
Əliyevin 2013-cü il 1 mart tarixli Sərəncamı ilə hər il martın 10-u Azərbaycan
Respublikasında "Milli Teatr Günü” kimi qeyd
edilir. Artıq 7 ildir ki, martın 10-u Azərbaycan milli teatrının əsası qoyulan günü teatrsevərlər "Milli
Teatr Günü” kimi qeyd edirlər. Daha sonra kulis, qrim və
rekvizit otaqları ilə tanış olan könüllülərə iş prosesi də izah edilib. Səhnə,
pyes, tamaşa və aktyor oyunu barədə praktiki məlumatlar verilib. Gənclər
həmçinin dramaturq Rövşən Ağayevin "Bir gecənin nağılı" tamaşasının
məşq prosesini izləyiblər. Sonda qərara alınıb ki,
Qazax Dövlət Dram Teatrının dəstəyi ilə "Səhnəni qur" layihəsi
çərçivəsində gənclərin sosial teatrı yaradılsın. GOYEZEN.AZ
Facebook-da paylaş