Qazaxda həyata keçirilən “Karyeranı bizimlə qur” layihəsi uğurla başa çatıb
Qazaxda Azərbaycan
Respublikasının Gənclər Fondu və Azərbaycan Respublikasının Əmək və Əhalinin
Sosial Müdafiəsi Nazirliyinin birgə təşkilatçılığı ilə həyata keçirilən
"Karyeranı bizimlə qur” layihəsi uğurla başa çatıb.
Layihə çərçivəsində Gənclər
Mərkəzində təşkil olunan 2 həftəlik təlim kursunu Azərbaycan Respublikasının
Əmək və Əhalinin Sosial Müdafiəsi Nazirliyinin Dövlət Məşğulluq Xidmətinin
təlimçisi Rafət Şirəliyev həyata keçirib.
Layihənin məqsədi işsiz və
işaxtaran gənclər üçün innovativ metodlardan istifadə edərək onların əmək
bazarına inteqrasiyasını təmin etməkdən ibarət olub. Layihə çərçivəsində əmək
bazarında işaxtaran gənclər müxtəlif təlim və seminarlarda iştirak ediblər.
Layihə
periodu işaxtarma bacarıqlarının inkişafı təlimləri, departamentlərdə iş, fəal
iş axtarma metodları, şəbəkənin genişləndirilməsi, əldə edilmiş nəticələrin
təhlili, motivasiyanın təmin edilməsi olmaqla bir neçə mərhələdən ibarət olub.
"Karyeranı
bizimlə qur” layihəsi qazaxlı gənclər tərəfindən maraqla qarşılanıb.
GOYEZEN.AZ
Facebook-da paylaş