Qazax Gənclərin İnkişaf və Karyera Mərkəzinin İntellektual oyunlar klubunun təşkilatçılığı ilə növbəti rayon turniri keçirilib
Qazax
Gənclərin İnkişaf və Karyera Mərkəzinin İntellektual oyunlar klubunun təşkilatçılığı
ilə gənclər arasında "Nə? Harada? Nə zaman?" və "Erudit-Kvartet" intelletual oyunları üzrə rayon turniri keçirilib. Aprelin
26-da Qazax Gənclər Mərkəzində reallaşan yarışda orta ümumtəhsil məktəblərindən,
Bakı Dövlət Universiteti Qazax filialından, Qazax Dövlət Sosial-İqtisadi Kollecindən
və müstəqil olmaqla 32 komanda mübarizə aparıb. "Nə?
Harada? Nə zaman?" formatı üzrə start götürən turnirin ilk hissəsində ən çox
xal toplayan 8 müstəqil komanda – "Mont Blanc”, ”Stronsium”, "Skandium”,
"Andromeda”, "Extreme”, "Orion”, "Nobelium” və "Sarkazm” - "Erudit-Kvartet” mərhələsinə
vəsiqə qazanıb. Bu komandalardan "Orion”, "Nobelium”, "Mont Blanc” və ”Stronsium”
yarım final qruplarında yüksək nəticə göstərərək finala yüksəlib. Finalda
"Nobelium” komandası I yerə, "Stronsium" komandası II yerə, "Mont
Blanc” komandası isə III yerə layiq görülüb. Qalib
və mükafatçı komandaların üzvləri müvafiq diplomlarla təltif olunublar. Qeyd edək ki, rayon turnirində ümumilikdə
128 gənc iştirak edib. GOYEZEN.AZ
Facebook-da paylaş