Qazaxda yeni istifadəyə verilən 3 saylı körpələr evi-uşaq bağçasından görüntülər –

Məlumat üçün qeyd edək ki, Qazax Rayon İcra Hakimiyyəti tərəfindən yeni istifadəyə verilən 95 yerlik şəhər 3 saylı körpələr evi-uşaq bağçasında ikisi böyük, ikisi orta və biri kiçik olmaqla, 5 qrup fəaliyyət göstərəcəkdir. Bundan əlavə, bağçada yüksək səviyyədə müdir otağı, tibb otağı, istilik otağı, musiqi otağı, anbar və mətbəx də inşa olunub. Bağçanın əsas üstün cəhətlərindən biri də odur ki, hər qrupun özünün ayrıca ayaqyolusu var. Geniş həyətə malik olan və müasir standartlara cavab verən bağçada həmişəyaşıl ağaclar və dekorativ gül kolları əkilib. Uşaqların asudə vaxtlarını səmərəli keçirmələri üçün bağçanın həyətində oturacaqlar qoyulub. Körpələrin rahat şəkildə tərbiyə almaları üçün hər cür şərait yaradılıb. Yeni bağça müasir avadanlıqlarla təchiz olunub.